Независно од тоа дали се работи за физички или правни субјекти, Нитро Компјутери врши професионална поправка, инсталација и одржување на нивните десктоп компјутери, лаптопи, таблети, печатачи, сервери, мрежна опрема, опрема за видео надзор, дигитални телефонски централи и друга модерна техника.

Сервисите на Нитро Компјутери вршат полнење на Вашите тонери за ласерски печатачи и кертриџи за инк-џет и фото печатачи по многу достапна цена.

Покрај тоа што можете физички да дојдете на нашите локации за да ги искористите сервисните услуги на Нитро Компјутери, може да се употреби професионална доставна служба, преку која што можете да ги пратите Вашите расипани уреди до сервисите, а ние ќе Ви ги вратиме по привилегирана цена, или бесплатно, над одредениот износ.

Во однос на правните субјекти, светските анализи покажуваат дека на секое претпријатие со компјутерска мрежа, системски и апликативен софтвер и/или повеќе хардвер, практично му е потребна поддршка од информатички инженери и техничари за одржување на компјутерите, програмите, мрежата и системот како целина. Одржувањето иако претставува одреден трошок на месечна основа, гледано на долги патеки ја зголемува продуктивноста на фирмата, организираноста на системот и како резултат носи и поголем профит за фирмата.

Сигурноста на податоците и нивната заштита од губење претставува уште една голема придобивка од доброто одржување на системот. Со нашите решенија за редовен синхронизиран back-up на податоците добивате потполна сигурност на податоците, веројатноста од губење на податоци се сведува на минимум, а процесите за заштита се одвиваат во позадина, без никаков Ваш ангажман.

Нашиот софтвер Nitro N-SMET :: Нитро Сметководство со модулите N-FIN, N-MAT, N-KOM, N-PLATI, N-DILER и N-ANALIZI Ви помага во добрата организираност на работните процеси во фирмата, автоматизирање и забрзување на работата и почитување на сите законски регулативи во Република Македонија.

Во долгогодишното искуство во одржување и консултации за ИТ проекти Нитро Компјутери воспостави повеќе сервисни пакети за системска интеграција, одржување на Вашата опрема и систем. Пакетите се базирани на број на интервенции во текот на месецот и времето на одзив во случај на потреба од итна интервенција, како и телефонска поддршка и поддршка од далечина со наше најавување на Вашиот систем.

Пакетите од групата Стартер, Универзални и Професионални ги вклучуваат следните привилегии:
• Лиценца за користење на Nitro O.R.G. Организатор / Контролер / Потсетник со вградени:
– Nitro CryptProtect :: најдобрата заштита од ransomware – вируси за откуп
– Nitro CleanUP :: чистење на непотребните фајлови од дисковите
– Nitro NetworkBackup :: резервни копии за заштита на податоците
Лиценцата во вкупна вредност од 22.785 ден. ја добивате бесплатно.
• Редовна заштита на податоците, бази на податоци и документи на сигурно место. Стартер пакетот вклучува заштита на податоците на хард дискови во локална мрежа (LAN), додека попрофесионалните пакети вклучуваат и резервна копија на наш CLOUD простор.
• Инсталација на антивирусен софтвер и редовно ажурирање на антивирусните дефиниции
• Електронска или телефонска поддршка за вработените во Вашата фирма
• Редовна бесплатна инсталација на новите верзии и закрпи (patch-ови) на модулите од N-SMET кои ги имате купено за Вашата фирма
• Пренос на година на базата на податоци на N-SMET на крајот на фискалната година
• Бесплатно советување и информации за новите законски измени преку системот за информации на Нитро N-SMET :: Инфо Канал
• Попуст на целата техника купена од нашата фирма, на гаџетите, фина електроника и додатоци од 10% до 50%, на стандардната компјутерска опрема до 10%, зависно од маржата на техниката
• Редовно собирање на испразнетите тонери и кертриџи и нивно полнење по привилегирана цена од
– 200 ден. за кетриџ, црн или боја за инкџет печатачите
– 400 ден. за тонер за ласерските печатачи.